Details
Izarak
|
10,99 € |
|
| Verlag: | Alberdania |
| Format: | EPUB |
| Veröffentl.: | 22.06.2021 |
| ISBN/EAN: | 9788498686654 |
| Sprache: | Baskisch |
| Anzahl Seiten: | 156 |
Dieses eBook erhalten Sie ohne Kopierschutz.
Beschreibungen
Bizitza arrunta duen bikote heterosexual arrunt bat osatzen dute Anek eta Xabik. Adiskide min dute biek Elene. Portugalera doaz oporretan, hiruak elkarrekin. Bidai horren ondorengo urtebetearen buruan ezerk ere ez du lehenean iraungo… Ane mintzo denean, zalantzan jartzen ditu bizitzan hartutako erabakiak. Banan-banan. Inoiz bere ariman tokirik izan ez duten zalantzak dira. Aneren identitatea (bai besteen begiradak sortutakoa, bai bere jokabide propioz proiektatzen duena) kolokan jartzen dutenak. Kontrapuntuan, Elene ispilu da Anerentzat. Anek beti bizi nahi izan duen bizitzaren isla. Bide-gurutze bakoitzean aukera egokia hartzen lagungarri nahi lukeena. Bilaketa dute Anek eta Elenek helburu, elkarrena bainoago, norberaren sakoneko izatearen bilaketa. Eta bilaketa horrek ez du deus ere ukitu gabe utziko: gorputza, generoa, intimitatea, rolak, harremanak, maitasuna… Identitatearen eraikuntza, azken batean.
GOIZANE AIZPURUA (Deba, 1984). Arte Ederretan lizentziatua. Goaz antzerki taldeko kidea izan da, eta bi funtzioren gidoiak idatzi ditu: Geltokian (Narruzko Zezen saria) eta Kanika zuri-beltzak. Askotariko sormen eta artea uztartzen dituzten hainbat egitasmotan hartu du parte: Begiradak (ikus-entzunezko artelanei jarritako testuekin osatutako emanaldia), Hiri asko bere baitan (literatura, argazkigintza eta musika lotzen dituena). Bi liburu argitaratu ditu, Izarak eleberriaren aurretik: Irarrazabalgo hormarteratua kondaira (Debako Udala eta Kaioa ASP, 2013) eta 2018ko Pasaia Hiria-Xabier Portugal saria irabazi zuen Afasia Airlines poema-bilduma.
Diese Produkte könnten Sie auch interessieren:
